MIRAZ GHALIB
Woh firaaq or woh visaal kahan,
Woh shab-o-Roz-o-Maah-o-Saal kahan...

Fursat-e-Karobaar-e-Shauq kisay,
Zauq-e-Nazara-e-Jamaal kahan...

Dil toh dil woh dimagh bhi na raha,
Shor-e-Sauda-e-Khatt-o-Khaal kahan...

Thhi woh ik shakhs k tasawwur say,
Ab woh ranaaiyeh khayal kahan...

Aisa aasan nahein lahoo rona,
Dil mein taqat, Jigar mein hall kahan...

Hum say chhoota qamaar-e-Khaana-e-Ishq,
Wan jo jaawen, Girah mein maal kahan...

Fikr-e-Duniya mein sir khhapaata hun,
Main kahan or yeh wabaal kahan...

Muzmahill ho gaye quwa'a Ghalib!
Woh anaasir mein atedaal kahan...

nice
Yade mazi azab hai Yarub,
cheen le mughse hafza mera.

nice hassan